Inyanunsyo ni United States President Donald Trump ti maysa a baro ken napnuan kaipapanan a katulagan iti kalakalan iti baetan ti Estados Unidos ken Pilipinas kalpasan ti panagtaripnong da kenni President Ferdinand “Bongbong” Marcos Jr.
Iti social media post na idi Miyerkules, Nobyembre 18, imbaga ni Trump nga agbalin a dakkel a pakagun-gunaan ti nasao a katulagan, nangruna kadagiti mannalon ken dagiti adda iti sektor ti enerhiya idiay Amerika.
Inladawan na daytoy kas maysa a “true landmark” ken imbaga na a naaddaan da kenni Marcos ti napintas a panagsarita maipapan iti kalakalan, nailyan a seguridad, ken dadduma pay nga isyu.
Rinaem met ni Trump ni Marcos, ken inawaganna a maysa a nabileg ken addaan ti nangato nga integridad a lider.
Nupay kasta, saanen a nangipaay ni Trump iti kanayunan a detalye seknan iti linaun ti imbaga na a baro a trade deal.











