Inyebkas ni US President Donald Trump ti saanna a pannakaay-ayo iti kabaruan a singasing ti Iran para iti negosasyon, a posible nga agtultuloy iti deadlock iti nagbaetan dagiti dua a dasig.
Segun kenni Iran Foreign Minister Abbas Araqchi, silulukat ti Iran iti diplomasia no baliwan ti Estados Unidos iti agresibo a pamay-anda, ngem agtalinaed nga alerto dagiti puersada para iti posible a panangraut.
Kagiddan ditoy iti agtultuloy a tension iti nagbaetan ti Estados Unidos ken kadagiti kaalyado daytoy kalpasan iti report ti panangibabawi ti tropa ti Amerika manipud idiay Germany.
Iti tengnga dagiti pasamak, agtaltalinaed a sensitibo iti kasasaad ti Strait of Hormuz, maysa a napateg a dalan para iti sangalubongan a suplay ti langis.
Gapu iti daytoy, agtultuloy iti panagamak iti ekonomia ken ti posible a panagngato ti presio ti langis bayat a saan pay a masigurado iti direksion ti saritaan.###
