Kinuna ni US President Donald Trump a nagtulagen dagiti lider ti Thailand ken Cambodia a mapagsaritaan ti maysa a ceasefire kalpasan ti tallo nga aldaw a rinnanget da a nakatayanen dagiti 30 a tattao ken nadistierro nga aganay 130K.
Iti social media post ni Trump manipud Scotland, inwaragawag na a nakapatang nan dagiti dua a pagilian ken pinangtaan na dagitoy a saan da a makagun-od iti trade deal idiay Estados Unidos nu itultuloy da latta iti gyera.
Nagpakdaar pay iti United Nations ken Association of Southeast Asian Nations iti posible a panagkaro iti gyera.
Segun kenni Thailand Acting Prime Minister Phumtham Wechayachai, immanamong da iti prinsipyo ti ceasefire ngem kayat da iti sinsero a sungbat manipud Cambodia. Kasaruno daitoy ket kiniddaw na pay kenni Trump a paregtaen ti Cambodia a dagos nga umanamong iti bilateral talks.
Agtultuloy met iti debate dagiti dua a pagilian nu sino iti immun-una a nanagraut ken impaganetget iti karbengan a depensaan iti bagbagi da.
Nagtaud ti gyera dagiti dua a pagilian iti daan nga Hindu temple idiay Preah Vihear, a siguden a nagbalin a sentro ti tensyon idi tawen 2008.
Laksid ti anunsyo ni Trump, awan pay met iti detalye nga inruar na nu katno a mabalin nga agtaripnong ti Thailand ken Cambodia.
