Narugianen iti panagtataripnong ti nagbaetan ti Estados Unidos, Ukraine, ken Russia idiay United Arab Emirates para ti naan-anay a pananggibus iti gyera.
Daitoy ti kaunaan a trilateral working group meeting manipud idi napasamak iti full-scale offense ti Russia idi tawen 2022.
Ti panagtataripnong ket naangay kalpasan a makisarak ni da US special envoy Steve Witkoff ken manugang ni US President Donald Trump a ni Jared Kushner kenni Russia President Vladimir Putin.
Maipalagip a sumagmamanon a daras a nagpaayab iti panagtataripnong ti Estados Unidos tapno ilungalong ti ceasefire ngem agtultuloy a mapapapaay gapo iti saan a panagtinnunos kadagiti sumagmamano a kondisyon a kas iti panangi-surrender kadagiti dadduma a paset ti teritoryo ti Ukraine.
Mangnamnama iti Estados Unidos a ti kauddianen a panagpapatang ket mangpataud iti nasayaat a resulta.
