Kinondena ni U.S. Secretary of State Marco Rubio iti China gapo iti panagrestar da ti nasurok 30 a miembro ken lider ti saan a rehistrado a Zion Church manipud idi Oktubre 9.
Iti maysa a waragawag, nagpanawag ni Rubio ti dagos a panangwayawaya kadagiti naarestar ken inawagan iti insidente kas panaglabsing iti kinawaya ti relihiyon.
Naipasdek iti Zion Church idiay Beijing idi 2007 ken agtultuloy nga agtigtignay kadagiti nasurok-kumurang 40 a siyudad iti laksid ti panakapaserra na idi 2018.
Nagkedked met a mangipaay ti detalye iti tagapagsarita ti Chinese Foreign Ministry ken kenuna a saan da nga ammo iti insidente.
Innayon pay ti opisial, nainget a kinontra ti Beijing iti aniaman a panakibiang ti Amerika kadagiti pang-uneg a saritaan ti China babaen iti isyu ti relihion.
Naamuan nga iti insidente ket paset ti naing-inget nga alagaden ti China kontra kadagiti saan nga rehistrado a grupo pang-relihion a pagdandanagan ti kaaduan a pagilian iti west.###
