BR LA UNION – Kinumpirma ti head ti spy agency ti Amerika a Central Intelligence Agency (CIA) a nakaru iti pannakadadael ti nuclear facilities ti Iran babaen ti US strikes.
Daytoy ket kabaliktad iti immuna a naipadamag a leaked intelligence report a nangpa-unget kenni US President Donald Trump, nga immuna a nangibaga a nadadaelda iti nuclear facilities ti Iran.
Segun kenni CIA director John Ratcliffe, nadadael iti key sites nupay kimmambiyo daytoy iti panangideklara a na-eliminate da iti nuclear programme ti Iran.
inaramid ti spy agency head iti waragawag, maysa nga aldaw kalpasan a nag-leak iti preliminary assessment manipud Pentagon intelligence agency a saan a naan-anay a nawara ken agtaltalinaed nga intact dagiti napateg a components ti nuclear programme ti Iran kalpasan iti panangbomba ti Amerika.
Tinakderan met ni Trump a na-obliterate ti US strikes iti nuclear facilities ti Iran.
Nakatuding a mangisayangkat ti interesting ken irrefutable news conference ni US Sec. of Defense Pete Hegseth ken dadduma pay a military officials idiay Pentagon ita nga aldaw ti Huwebes, oras idiay Amerika tapno depensaan iti dignidad dagiti natutured nga American Pilots.
