Target ti Estados Unidos a mangisayangkat ti maikadua a round ti negosasyon sadiay Iran sakbay nga agleppas ti ceasefire inton Abril 21.
Maibasar iti mapagtalkan a source a pamilyar iti saritaan ket nangisayangkat ti internal discussion dagiti opisyales ti Trump administration para ti potensyal a maikadua nga in-person meeting kakadwa dagiti opisyales ti Iran.
Agtaltalined met a silulukat ni US President Donald Trump nga itultuloy ti in-person negotiations iti kabiitan a panawen iti kanito a nakasaganan ti Iran a tungpalen dagiti kiddaw na.
Ti agdama ket kitkitaen pay dagiti opisyales ti posible a petsa ken lokasyon apaman nga agpanuray ti agtultuloy a panagsarita ti Iran ken dagiti mediators iti rehiyon kadagiti sumaganad nga aldaw.
Nupay kasta, saan pay a nalawag iti agdama nu agtungpal metlaeng ti Iran kadagiti kondisyon ni Trump gapo iti panangiyuswat ti blockade ti US military kadagiti Iranian ports idi bigat ti Lunes (eastern time).
