Temporario nga inikkat ti Estados Unidos dagiti sumagmamano a sanctions kadagiti produkto ti petroleo ti Iran tapno makatulong iti suplay ti enerhia iti tengnga ti kumarkaro a tension idiay Middle East.
Napalubusan iti limitado a panaglako ti langis nga agdama a naidulin kadagiti barko ti Iran iti rehion, segun kenni U.S. Treasury Secretary Scott Bessent.
Temporario daytoy a pammalubos ken agpaut aginggana Abril 19, 2026.
Panggep ti tignay a manayunan iti sangalubongan a suplay ti langis, a mapattapatta a dumanon ti 140 million a bariles, iti laksid ti nangato a presio ti Brent oil a dumanon ti nasurok-kumurang $112 tunggal bariles.
Nupay kasta, adda dagiti eksperto a mangibagbaga a mabalin a limitado laeng ti epekto daytoy iti panagbaba ti presio.
Adda met iti panagamak nga iti pamastrekan manipud iti panaglako ti langis ket mapan iti gobyerno ti Iran ken mausar iti operasionda iti gubat.
Sakbay pay ti tension, mangun-una iti China a gumatgatang ti nalaka a langis idiay Iran, ngem namnamaen ti Estados Unidos nga iti baro a polisiya ket mangipatulod ti supply kadagiti dadduma pay a pagilian kas iti India, Japan, ken Malaysia.
Iti laksid ti desision ti Amerika, agtultuloy a maap-apektaran iti sangalubongan a suplay ti langis gapu iti riribuk idiay Strait of Hormuz, a maysa a napateg a ruta para iti dakkel a paset ti supply ti lana iti lubong.
Nupay padpadasen ti Estados Unidos a pababaen iti presio ti lana, saan pay a masigurado iti agbalin nga epektona iti sangalubongan a merkado.###
