Nagun-od ti Pilipinas ti nasurok-kumurang US$2.5 billion investment commitments manipud kadagiti kompania idiay Canada iti tay-ak ti panagminas, enerhia, IT ken business process management, ken digital economy.
Segun kenni Presidente Ferdinand Marcos Jr., dakkel a tulong dagitoy a panagpuonan iti agtultuloy a panagdur-as ti ekonomia ti pagilian.
Kabayatan ti opisial a panagbisitana idiay Canada, nakipagkita ti Presidente kadagiti kompania ti Canada a nangiyebkas iti interes nga agpuonan ditoy pagilian.
Kenuna pay ni Marcos nga agtultuloy iti panagregget ti gobierno a mangitungpal kadagiti katulagan tapno ad-adu pay a Pilipino ti makarikna iti pagimbagan dagitoy.
Segun ti Malacañang, agtultuloy iti negosasion para iti posible a free trade agreement iti nagbaetan ti Pilipinas ken Canada.
Napagsasaritaan pay iti panagbisita ti pannakaibangon dagiti artificial intelligence hubs ken training centers iti pagilian tapno mapadur-as ti AI workforce.
Dinayaw pay ti Presidente iti agtultuloy a suporta ti Canada iti rules-based international order ken ti United Nations Convention on the Law of the Sea wenno UNCLOS, partikular iti saritaan maipapan ti West Philippine Sea.
Inpakaammo pay ni Marcos a naipangato ti relasion ti Pilipinas ken Canada iti strategic partnership kalpasan ti pannakitaripnong na kenni Canadian Prime Minister Mark Carney.###
