BR LA UNION – Inawagan ni Presidential Communications Office (PCO) Undersecretary Claire Castro nga “obstructionists” iti grupo a maipagarop a mangiram-raman kenni Ferdinand Marcos Jr. iti reklamo a naidatag kontra kenni Vice President Sara Duterte.
Segun kenni Castro, nalawag ti panggep ti grupo nga ilisi manen ti atensyon manipud iti alegasyon a kinakusit kontra iti bise presidente.
Impaganetget ni Castro, saan a kaalyado ti Presidente dagiti nagreklamo nudiket kritiko isunga awan ti basaran ti alegasyon nga inallokoy ti Presidente nga idatag ti plunder ken graft charges kontra iti bise presidente.
Iti sabali a waragawag, impaganetget ni Partido ng Demokratiko Pilipino wenno PDP deputy spokesperson Atty. Ferdinand Topacio nga adda pakainaigan ti administrasyon Marcos iti reklamo ken inakusaran da pay ti Kamara ti kinakusit iti badyet.
Binallaagan na pay iti publiko kontra ti gandat a lapdan ti gandat a posible a panagtaray ni VP Duterte iti kinapresidente.
Iti Partido ng Demokratiko Pilipino ket idauwan ni sigud a presidente Rodrigo Duterte, ama ti bise presidente.
Nupay kasta, inlawlawag na a saan a miyembro ti PDP ni Vice President Sara Duterte.
