Dimmanon iti record a ₱19.39 trillion iti outstanding debt ti National Government iti panagleppas ti Hulio 2026, segun ti Bureau of the Treasury (BTr).
Ngimmato daytoy ti ₱323.53 billion wenno 1.7 percent manipud iti ₱19.07 trillion iti katapusan ti Hunio.
Kangrunaan a rason ti panagngato iti kanayunan a panagutang iti uneg ken ruar ti pagilian, kasta met iti epekto ti panagkapsut ti piso iti balor ti foreign-currency debt.
Iti pakabuklan, adda iti ₱13.11 trillion iti domestic debt ken ₱6.28 trillion iti external debt. Iti lebel ti utang idi Hulio ket adda iti dandani 98 porsiento ti ₱19.76-trillion debt projection ti gobierno para iti sibubukel a tawen 2026.
