Pimmusayen iti nalatak a martial artist ken Hollywood actor a ni Chuck Norris iti edad nga 86.
Pinasingkedan dagiti kabagianna iti ipupusay ti aktor bayat nga adda isuna idiay Hawaii.
Awan pay ti naited a rason iti pannakatay ti aktor ken nagkiddawda ti privacy.
Nagbalin a nalatak iti aktor idi dekada otsenta kadagiti martial arts ken action movies.
Nabigbig isuna iti panagakemna a kas ni Texas Ranger Cordell Walker iti CBS TV show a “Walker, Texas Ranger” idi 1990.
Kadagiti napalabas a tawen, manmanon iti panagparangna kadagiti pelikula ken ti naudi ket idi 2012 iti pelikula nga “The Expandables 2”.
Isu ket maysa a black belter holder kadagiti sumagmamano a martial arts ken nakaawat ti Hollywood Wall of Fame idi 1989.
Tawen 2010 idi nagbalin isuna nga aktual a Texas Ranger.
Nagbalinda a nasinged kenni Bruce Lee ti sumagmamano a tawen a panagkaduada nga agsanay idi dekada sisenta ken bimmida iti pelikula a “The Way of the Dragon” idi 1972.###
