Kinondenar dagiti sumagmamano a netizens ni Vice Ganda kalpasan iti maysa a parody segment iti umuna a rabii ti concert ken nabatad a dakdakamaten iti sigud a Presidente a ni Rodrigo Duterte.
Karaman iti segment iti panangdakamat iti “Jet Ski promise” dagiti DDS (Diehard Duterte Supporters) ken maysa nga impersonation ti sigud a presidente a tinagiragsak dagiti sumagmamano nga agbuybuya.
Nupay kasta, nakagun-od daytoy ti batikos manipud kadagiti netizens, pakairaman iti maysa a Facebook user a nagpanawagan iti gobierno-siyudad ti Davao nga ideklara kas persona non grata ni Vice Ganda, gapo iti maipagarop a kinaawan ti respeto.
Segun kadagiti sumagmamano a Dabawenyo, awan ti dakes iti panagpakatawa ngem rumbeng nga adda pagpatinggaanan na ken saan a “below the belt”.
Nadlaw pay dagiti netizens iti panagbaba ti followers ni Vice Ganda manipud iti sigud a 20 million ket bimaban iti 19 million.
Iti sabali a bangir, dinepensaan met ni Akbayan party-list Representative Perci Cendaña iti komedyante ken dinayaw iti takder na.#
