Impaganetget dagiti sumagmamano a mammanday-linteg iti Kamara nga umdas iti substansia ti video ti mapapati nga assassination threat, tapno agabante iti maikapat a ground ti maikatlo nga impeachment complaint kontra kenni Bise Presidente Sara Duterte.
Iti panagdengngeg ti House Committee on Justice nga idauluan ni Batangas Representative Gerville “Jinky Bitrics” Luistro, inruarna iti viral video a nangdakamatan ni Duterte a nangtangdan isuna ti mangpatay kenni Presidente Ferdinand Marcos Jr., First Lady Liza Araneta Marcos, ken ni sigud nga House Speaker Martin Romualdez, no bilang ta matay isuna.
Segun kenni ML Party-list Rep. Leila de Lima, saan a simple a retorika iti waragawag no di ket nakaro ti implikasionda iti kinaurnos ti konstitusion.
Impaganetget met da Representative Ysabel Maria Zamora, Rep. Zia Alonto Adiong, ken Rep. Janice Degamo a ti panangdakamat iti panangala ti assassin ket nalawag a panangliput iti panagtalek ti publiko ken mabalin nga agtungpal iti aktual a kinaranggas.
Iti laksid ti panagbuteng ni Rep. Jesus “Bong” Suntay maipapan iti nawaya a panagsao ken kaawan ti ebidensia ti aktual a tulagan, ket ado dagiti timmakder nga adda umdas a pangibasaran a maibilang nga impeachable offense iti nasao a waragawag ti Bise Presidente.###
