Adda ditoy Pilipinas ni Vietnamese President ken General Secretary ti Communist Party of Vietnam Tô Lâm para iti dua nga aldaw nga state visit.
Segun iti Malacañang, naisangsangayan iti panagbisita ni Lâm iti pagilian gapu ta daytoy iti umuna nga state visit ti maysa a lider ti Communist Party of Vietnam.
Makitaripnong isuna kenni Presidente Ferdinand Marcos Jr. ita nga aldaw tapno talantanen iti panangpapigsa ti koordinasion ti Pilipinas ken Vietnam iti tay-ak ti panagkuarta, seguridad iti taraon, depensa, edukasion, ken turismo.
Kalpasan ditoy ket makita dagiti dua a lider iti panagperma ti sumagmamano a katulagan ken sumango iti press conference.
Kagiddan ti panagbisita ni Lâm iti panagrambak ti maika-50 nga anibersario ti diplomatiko a relasyon ti Pilipinas ken Vietnam ken maika-10 a tawen ti Strategic Partnership.###
