LA UNION – Dakkel a pukaw kadagiti mangmangged ti visa free cancelation idiay pagilian a Taiwan.
Ti nakalap nga impormasyon ti Bombo Radyo La Union kenni Evangeline Jamila Wei tubo iti Barangay Oaqui # 3 idiay ili ti Luna, La Union agtatrabaho ken agnanaed idiay Taichung City, Taiwan (R.O.C.), kinuna na a parigat kadakuada daytoy nangruna iti panag-apply ti citizenship no alaen iti pamilya wenno kabagyan iti nadakamat a pagilian.
Malaksid pay iti daytoy, mas ad-adu ti trabaho wenno alaen a requirements saan nga kas ti visa free agsipudta mangala ka laeng ti ticket agsend ti letter wenno invitation, mabalinen nga agbakasyon ti pamilya idiay Taiwan.
Maipalagip, inpaulog ti pagilian a Taiwan ti visa free tapno maipaayan ti gundaway dagiti Overseas Filipino Workers (OFW) nga makadinna ti pamilyada iti nadakamat a pagilian.
Ni Evangeline ket liman a tawen nga agnanaed ken agtatrabaho kas factory worker ken nakaasawa ti Taiwanese national idiay Taiwan.
