Inawagan ni Vice President Sara Duterte iti publiko a saan a makipartisipar ti vote buying para inton 2025 National and Local elections.
Segun kenni Duterte, ti vote buying ita ket nakalemmeng iti panangipaay kadagiti ayuda, iti nagan ti AICS, AKAP, ken TUPAD.
Impaganetget ni Duterte a saan nga agpaloko ti publiko iti vote buying gapo ta agtungpal laeng ti Pilipinas iti nakababain nga sitwasyon kabayatan a buybuyaen a isasango ti sabali a pagilian.
Kasaruno daitoy, binallaaagan pay ti bise a saan a basta mamati kadagiti sapata ti politiko nu ketdi, kitaen dagiti track record da.
Kabayatanna, nupay aminado met ti bise president a naggapo isuna iti political dinasty, kinunana a saan a gapo nga ti maysa a kandidato ket gapo iti pamilya ti politico ket kasapulanen nga ibotos daitoy.
Innayon na a panunuten iti kapasidad ti maysa a tao ken saan nga agbasar laeng iti apelyido.
