Kagiddan ti graduation ti Philippine Military Academy (PMA) “Talang Dangal” Class of 2026 idiay Fort Del Pilar, Baguio City, nagpanawagan ni Bise Presidente Sara Duterte kadagiti baro nga opisial a salimetmetanda iti integridad ken kinatured iti serbisio.
Dinakamatna nga iti panagsanayda ket pundasyon ti disiplina ken sakripisyo a rumbeng nga usaren iti panangsalaknib iti pagilian.
Inallukoyna dagiti kadete nga agbalin a paguadan ti dayaw ken dignidad, ken agtalinaed a natibker iti sango ti aniaman a pangta iti soberania ti Pilipinas.
Nagyaman met isuna iti panangpilida iti dalan ti serbisio militar nga inawaganna a nadayaw ken nakapamaysa iti pagimbagan dagiti Pilipino.
Inayon pay ni Duterte a ti serbisioda ket pammaneknek ti determinasion nga isakit iti pagilian ken aywanan ti wayawaya dagiti umili.
Iti maudi, kinablaawanna dagiti nagtapos ken dagiti pamiliada kas paset ti baro nga henerasion dagiti tagalasaknib ti pagilian.###
