Inawis ti House of Representatives ni Bise Presidente Sara Duterte a tumabuno iti maikalima nga State of the Nation Address (SONA) ni Presidente Ferdinand Marcos Jr. inton Hulio 27.
Segun kenni House Secretary General Cheloy Velicaria-Garafil, naipatuloden iti opisial nga imbitasion iti Opisina ti Bise Presidente, ngem awan pay ti sungbat daytoy agingga iti kaudian nga impormasion.
Segun ti Kamara, paset ti kadawyan a protocol iti panangawis ti Bise Presidente iti tinawen a SONA ti Presidente.
Immuna nga imbaga ti Malacañang a ti Kamara, kas host ti SONA, iti mangimaton iti panangipatulod ti imbitasion kadagiti opisyal a dumar-ay.
Saan a timmabuno ni Duterte iti maikatlo ken maikapat a SONA ni Presidente Marcos idi 2024 ken 2025 iti laksid dagiti immun-una nga imbitasion.
Naudi a nakita ti Bise iti SONA ti Presidente idi 2023.###
