BR LA UNION – Maipagarop nga agparang nga adda ilem-lemmeng wenno tar-tarayan a responsibilidad ni Vice President Sara Duterte nu saan daytoy a personal a sumango iti Senate impeachment court a mangusig kenkuana seknan iti maipagarop a biddut a panangusar ti confidential funds ken panangipangta ti biag ni President Ferdinand Marcos Jr.
Pito nga Articles of Impeachment iti indatag ti Kamara de Representantes idiay Senado kontra kenni VP Duterte, kabilang iti maipagarop nga iregularidad iti pannakausar ti P612.5 milyon a confidential funds iti sidong ti Office of the Vice President ken Department of Education, idi isuna pay ti sekretaryo ti nasao nga ahensiya.
Karaman pay iti reklamo ti inwaragawag ni Duterte iti maysa nga online press conference nga adda kinasaritanan a tao a mangpatay kada President Ferdinand “Bongbong” R. Marcos Jr., First lady Liza Araneta-Marcos, ken House Speaker Ferdinand Martin G. Romualdez nu isuna ket matay.
Kinuna ni Defensor, iti impeachment trial ket maysa a gundaway tapno kontraen ni Duterte dagiti alegasyon kontra kenkuana.
Namin-adun a daras a nagpanawagan dagiti kongresista kenni Duterte nga ipalawag nu kasatno na a ginastos iti confidential funds daytoy.
Kabilang kadagiti red flag a mapan-panunot ti Kamara ket dagiti kuwestyunable a nagan dagiti maipagarop nga immawat ti confidential funds kas kada: Mary Grace Piattos, Renan Piatos, Pia Piatos-Lim, Jay Kamote, Miggy Mango, ken Xiaome Ocho ken iti sumagmamano a Dodong.
Awan ti nakita a birth, marriage, wenno death records iti Philippine Statistics Authority (PSA) para iti sumagmamano a nagan, a nanggubway ti alarma seknan iti peke nga identity ken posible a panagusar ti ghost recipients tapno mangipaay latta ti pondo ti gobyerno.
Nupay imbaga ni Senate President Francis “Chiz” Escudero a saan a kasapolan iti pisikal a panagdar-ay ni Duterte iti panagusig, impaganetget ni Defensor a ti panagdar-ay a personal ket panangipakita ti respeto iti proseso ken mangnayon ti kumpiyansa iti depensa na.
Agtataripnong dagiti kameng ti Senado kas impeachment court inton Hunyo 3, ken naka-schedule iti pre-trial proceedings manipud Hunyo 24 agingga Hulyo 25.
Iti aldaw a panagusig ket mangrugi inton Hulyo 30, dua nga aldaw kalpasan ti State of the Nation Address (SONA) ni President Marcos, maibasar iti inruar nga iskedyul ni Escudero.
