Agtaltalinaed latta a nangato ti panagtalek ni Bise Presidente Sara Duterte kenni Attorney Nicolas Kaufman, lead legal counsel nga agig-iggem ti kaso ti ama na a ni sigud a presidente Rodrigo Duterte idiay International Criminal Court (ICC).
Kinuna a ni Kaufman mismo ti pinili ti sigud a presidente isu a rumbeng laeng nga agtalek iti abogado kasta met a makikoordinar ken ited ti aniaman a kasapulan tapno agballigi iti legal team.
Inaramid ti Bise Presidente ti waragawag kasaruno ti umadani a confirmation of charges idiay ICC para kenni Duterte inton Setyembre 23.
