Mamati ni Bise Presidente Sara Duterte kadagiti alegasion ti pasuksok a nakairamanan ni sigud nga House Speaker Martin Romualdez.
Segun kenni Duterte, agtunos dagiti reports maipanggep kadagiti maleta a napunno ti kuarta kadagiti immuna a naipadamag a kinakusit, kasta met iti desisyon ti Delaware Court iti kaso ti Okada Manila a nakadakamatan iti nagan ni Romualdez.
Binigbig ti korte iti “heavy luggage” a maipagarop a nagkarga ti dokumento, ngem saan daytoy a napati.
Para iti Bise Presidente, iti pattern dagiti pasamak ket saan nga rumbeng a tagiawanen.
Kinuwestion na met iti desisyon idi ni Presidente Ferdinand Marcos Jr. a suportaran ni Romualdez iti kina-Speaker ken impaganetget a dumteng to iti panawen ti hustisia ken panagsingir manipud kadagiti umili.
Awan pay met ti kabaruan a sungbat manipud iti kampo ni Romualdez maipanggep kadagiti akusasion kenkuana.###
