Dumanon ti nasurok P7.47 millon iti nagastos ni Bise Presidente Sara Duterte iti panagbiahe na iti sabali a pagilian.
Segun kenni Office of the Vice President Budget Division chief Kelvin Gerome Tenido, manipud idi Hulyo 31 ket dumanon ti P20.68 million iti nagastos.
Iti nadakamat a gatad ket P13.21 millon kadagiti local travels ken P7.47-M met iti ballasiw-taaw.
Indepensa met ni OVP assistant chief of staff Lemuel Ortonio iti panagbiahe ni Duterte gapo ta addan met daytoy ti naan-anay a dokumento wenno travel authority ken saan a nagusar ti pondo ti gobierno.
Kabayatanna, nakaituding nga agbiahe ti Bise idiay Tokyo ken Nagoya, Japan inton Setyembre 20 ken 21. Daytoy metten ti maika-13 a biyahe na iti sabali a pagilian ita a tawen.###
