BR LA UNION – Nakasagana ni Vice President Sara Duterte a mangirekomenda ti British international law expert kas abogado ni Senador Ronald “Bato” dela Rosa ingkaso nga arestaren ti International Criminal Court (ICC).
Iti interview idiay Negros Occidental, inlawlawag ti Bise Presidente nga awanan pay isuna ti kumpirmado nga impormasyon iti maipagarop nga arrest warrant manipud ICC ngem binalakadan na ti Senador idi pay Abril nga agsagana ken pumili ti abogado nga adda kapadasanna kadagiti kaso idiay ICC.
Innayon na, a nakasarita na iti anak ti Senador a ni Rocky dela Rosa ken nangi-rekomenda ti British counsel nga eksperto iti international law nu kayat ti Senador.
Idi Martes, tinakderan ni Ombudsman Jesus Crispin Remulla nga adda iggem na nga unofficial arrest warrant a maipagarop nga in-isyu ti ICC.
