LA UNION – Mamati ni Vice President Sara Duterte a target talaga ti House of Representatives (HOR) a ma-impeach daytoy maibasar iti nagbalin a privilege speech ni Manila Rep. Rolando Valeriano gaputa adda nakita a biddut.
Iti interview kenni VP Sara, imbaga na a ti ar-aramiden a panagdengngeg ti House Committee on Good Government and Public Accountability ket maysa nga addang para iti impeachment.
Kinuna na a mismo ni ACT Teachers Partylist Rep. France Castro iti nangibaga a posible a ma-impeach ni VP Sara gapu iti kwestiyunable a panaggastos ti Office of the Vice President ken Department of Education.
Nagbalin a nabara ti isyu seknan iti ginastos a confidential funds ni VP Sara.
Simmango iti komite ni VP Sara tapno agsarita ken ibaga dagiti arungaing na.
Direkta nga imbaga na iti komite a saan a target ti panagdengngeg iti misuse of funds, accountability wenno governance.
Mamati ni VP Sara a daytoy ket tapno dadaelen ti imahe na iti OVP ken lapdan ti anyaman a political contest iti masangwanan.
Gaputi kaawan ti naan-anay a basaran, ipas-pasardeng ni VP Sara ti panagdengngeg.
Nupay kasta, kinuna ni Rep. Chua, a chairman ti komite, a saan da isardeng ti panagdengngeg agsipudta inaksiyunan dan iti betla ni Rep. Valeriano.
