Ipaima ni Bise Presidente Sara Duterte kadagiti abogadona iti panangiggem ti impeachment case kontra kenkuana.
Daytoy ket kalpasan a naan-anay nga inimpeach ti Kamara ti Bise Presidente idi Lunes, Mayo 11, iti maikadua a gundaway.
Segun kenni Duterte, addaan daytoy ti defence team ken spokesperson para iti impeachment isu nga inpaimana kadakuada iti panagkomento iti saritaan ti impeachment, a kunana ket maysa a legal a proseso.
Idi napagsaludsodan ni VP Sara iti maysa nga interview idiay The Hague, Netherlands maipapan iti riknana kalpasan nga in-impeach ti Kamara, simmungbat ti Bise Presidente nga awan ti riknana mainaig iti impeachment.
Immuna metten nga inbaga dagiti abogado ni Duterte a nakasaganadan a mangidepensa iti bise presidente no umabante ti impeachment trial iti Senado.###
