Nainget a pinaglibakan ni Vice President Sara Duterte dagiti alegasyon maipanggep ti binilyon a linaon dagiti bank accounts na ken kinuna a paset laeng daitoy ti kampanya a panangdadael kenkuana.
Impaganetget ti Bise Presidente a nadalus ti record ken awan ti pakainaigan na ti korapsyon. Kinunana a dagiti sanikua na ken kuarta ket lehitimo kasta met nga umiso a naideklara iti Statement of Assets, Liabilities, and Net Worth (SALN).
Inawagan na a daan nga isyu dagiti akusasyon ni sigud a Senador Antonio Trillanes IV a napapigsa laeng ita gapo kadagiti mapapati a suporta dagiti dadduma nga opisyales ti gobierno.
Segun pay kenni Duterte, nangrugi ti panagraut kenkuana idi naglosolos isuna iti Gabinete, partikular idi nagkedked isuna nga agpirma iti national budget a saan na a mairusok ken madepensaan iti publiko.
Direkta na a binabalaw ni Presidente Ferdinand Marcos Junior ken dagiti mamanday-linteg kasaruno ti panangiyunay-unay a ti addang ket tapno iyakar ti atensyon manipud kadagiti napatpateg a problema ti pagilian a kas ti pondo kadagiti flood control projects, panagngato ti presyo dagiti magagatang, krimen, kinapanglaw, ken problema ti foreign policy.
