Nagpakdaar ni sigud a Supreme Court Associate Justice Antonio Carpio a mapukawan ti karbengan a mangisubmitir ti sungbat ni Vice President Sara Duterte nu mapaay isuna a makaipasa para ti writ of summons nga impaulog ti Senate impeachment court idi Hunyo 10.
Nupay mabalin isuna a mangipresentar kadagiti ebidensya, impaganetget ni Carpio nga adda latta ti bileg ti Senado nu palubosan da pay ti Bise a mangidatag iti depensa na nga uray pay limmagpasen iti nakatuding a deadline.
Ti sangapulo nga aldaw a deadline para iti reply na ket nagleppasen idi Hunyo 21, ngem gapo ta naibatog daitoy iti Sabado ket mabalin pay a mangisubmitir ti kampo na agingga iti Lunes, Hunyo 23.
Pinasingkedan met ti pannakangiwat ti impeachment court a ni Atty. Regie Tongol nga agtuloy latta iti panagdengngeg nga uray saan a simmungbat ni VP Sara kadagiti summons bayat nga agtalek met ni Carpio a mangisubmitir ti kampo agsipud ta nu saan ket mabalin a maisagmak ti depensa da.
Innayon pay ni Carpio a mabalin nga ipangato ti Korte Suprema sadiay Senado nga ituloy ti panagdengngeg ken addaan ti bileg ti impeachment court nga ag-subpoena kadagiti bank records — maysa a napateg a paset ti proseso.
