LA UNION – Kinumpirma ni Vice President Sara Duterte iti inruar na a bulletin a pinalubosan isuna ti Chief of Staff na a ni Atty. Zuleika Lopez a maka-awid tapno makita dagiti annak na.
Kinuna ni VP Sara a ti simmukat kenkuana nga agbantay ket ni Senator Bong Go.
Innayon ti bise president nga agsubli met laeng daytoy idiay Veterans Memorial Medical Center (VMMC) ita a rabii.
Naka-confine iti agdama iti nasao nga ospital ni Lopez kalpasan a matalimudaw ken nagpasar ti panic attack.
Maipalagip nga imbaga ti PNP doctor nga adda iti nasayaat a kondisyon ni Lopez ken normal dagiti vital signs na.
Kabayatanna, iti interview kenni Senator Ronald Dela Rosa, imbaga na a ti agdama a kondisyon ni Atty Lopez ket “traumatized” gaputi pannakaiyakar na iti detention facility.
Segun kenni Dela Rosa, mabuteng ni Lopez a maiyakar iti Women’s Correctional idiay Mandaluyong City, isunga bantayan da kenni Sen. Bong Go.
