Nagbuwelta ni Vice President Sara Duterte ti nagbalin a karit ti Malacañang a nasken nga ilawlawag na kadagiti tattao nu official visit metlaeng dagiti panagbiahe na ti sabali a pagilian.
Ti maysa a press conference idiay Davao City ket saanen a nalpadan pay ti Bise Presidente nga awagan a stupido ken nakapsot iti administrasyon. Nauneg iti anges na idi nadamag iti nasao nga isyu.
Kasaruno daitoy ket inlawlawag na a saan nga official business ti panagbiahe na ti sabali a pagilian ken innayon nga apaman makagasto isuna ti kwarta ti tattao ket kasapulan nga ipablaak na ti nagastar, ngem nu personal trip met a saan a nangal-ala ti kwarta manipud gobierno ket saanen a kasapulan pay ti aniaman a report.
Idi Huebes ket kinarit ti Malacañang iti Bise Presidente nga ireport kadagiti Pilipino ti nagtungpalan dagiti biahe na ti sabali a pagilian.
Kinuwestyon ni Palace Press Officer USec. Claire Castro ti overseas trips ni VP Sara ken dinamag nu dagitoy ket personal wenno para iti Pilipinas a rason nu apay nga awagan isuna ti Bise Presidente kas “B*BO”.
Nagbuwelta met ti Palace official ken inwagan na nga emosyonal ti Bise Presidente ken innayon a nu nangato ti emosyon ket nababa iti panagpanpanunot.
Ti panagbiahe na kadagiti sabali a pagilian ket nangigubuay kadagiti espekulasyon nga adda pakainaigan na ti interim release bid ni sigud a presidente Rodrigo Duterte iti saan pay a nanaganan a pagilian.
Maipalagip a nagturong isuna sadiay The Netherlands idi Mayo 29 agingga 31 tapno rambakan ti kasangay ti ama na; nagturong pay isuna kadagiti pagilian a Qatar, Malaysia, ken Australia tapno dumar-ay ti panagtataripnong.
