LA UNION – Nangiyebkas ti panagdanag ni Deputy Speaker ken Quezon Representative David “Jay-jay” Suarez iti posible a negatibo nga epekto iti inaramid a waragawag ni Vice President Sara Duterte a nangituding ti bagina kas “designated survivor.”
Kinuna ni Suarez a ti statement ni VP Sara ket mangipakita ti kinakurang ti panag-nakem wenno immaturity, a rebbeng a saguday ti maysa a nangato nga opisyal ti gobierno.
Maysa laeng ni Suarez kadagiti umad-adu a kongresista a nangipeksa ti panagduadua, nga iti ipak-pakita ti bise presidente a pannaki-timpuyog iti Presidente ket kina-plastik wenno pammarang laeng.
Innayon ni Suarez nga anyaman ti panggep ti nagbalin a waragawag ni VP Sara, ket palagip daytoy tapno masigurado ti kinatalged ken seguridad ni PBBM ken iti dadduma pay nga opisyal ti gobierno.
