Saan nga apektado ti Palasyo iti rimuar a survey nga agparparang a mangidadaulo wenno numero uno ni Bise Presidente Sara Duterte kadagiti posible a kandidato kina-Presidente inton tawen 2028.
Maibasar ti resulta ti survey, awan kadagiti leading names ti siasinoan a kaalyado ni Presidente Ferdinand Marcos Junior.
Kinuna ni Palace Press Officer Claire Castro a pammaneknek laeng daitoy ti konsentrasyon ti Presidente iti panagtrabaho ken saan nga iti panagpolitika.
Impaganetget na nga adayo pay met iti eleksyon ken nakapamaysa ita ti administrasyon iti panangipatungpal kadagiti proyekto ken programa ti gobierno tapno masungbatan ti pagkasapulan iti publiko ken maparang-ay pay ti pagilian.
