Inlibak ni Bise Presidente Sara Duterte nga impanawagan na ti panagresign ni Presidente Ferdinand Marcos Junior iti kangitingitan dagiti isyu a sangsanguen ti administrasion.
Segun ti bise presidente a dina pulos kiniddaw iti panagresign ti presidente, ngem kinaritna nga agpaisidong ti drug test.
Kinunana nga aginggana ita ket saan a kayat ti presidente nga aramiden daytoy – a para kenni VP Sara ken mabalin a maibilang kas panangliput iti panagtalek ti publiko wenno betrayal of public trust.
Impaganetget na a kas mangidadaulo, rumbeng a dutokan ti presidente iti bagina iti panagserbi ti pagilian.
Inawagan na pay a “pointless call” iti panawagan a Marcos resign gapo ta saan nga agikkat iti Presidente ken ipada iti nagbalin a panangidaulo ti pimmusay nga amana a ni Presidente Ferdinand Marcos Senior.
Kiniddaw met ti Bise iti presidente nga aramiden ti trabahona.
Malagip a sumagmamano nga grupo iti nagpanawagan ti panagikkat ti Presidente idi Setiembre 21 iti tengnga ti isyu ti panagkunniber kadagiti floor control projects.###
