LA UNION – Saan a nagustuan ni Vice President Sara Duterte iti panangawag kenkuana dagiti kritiko nga ‘spoiled brat’.
Kinuna ti bise presidente a saan isuna a “bratinella” gapu laeng ta saan a nagustuan dagiti mammanday linteg ti panagsungbat na idi dimmar-ay iti deliberassyon wenno pannaka-dengeg ti 2025 budget proposal ti Office of the Vice President.
Kinuna na a nalabit saan laeng a sanay dagiti miyembro ti House of Representatives a saan magun-od iti kayatda.
Saan met a sanay kunana dagiti mammanday linteg a masung-sungbatan ken ibilang da a panang-atakar daytoy kadakuada.
Mamati ti bise presidente a nasungbatan na dagiti kayat a maamwan dagiti mammanday linteg seknan iti budget ti Office of the Vice President.
Intalek na metten kadagiti kongresista nu aprubaran da daytoy.
