BR LA UNION – Sinungbatan ni Vice President Sara Duterte dagiti inwaragawag ni Presidential Communications Office Usec. Claire Castro a saan a nangngegan ti publiko idi nga imbaga ni sigud a presidente Rodrigo Duterte nga ingkumpara ti bagi na kenni daydi sigud a senador Benigno ‘Ninoy’ Aquino.
Buwelta ti Bise Presidente, ti nagtaudan ti inwaragawag na iti naisayangkat a programa idiay The Hague, Netherlands ket maibasar nu anya iti napasamak idi iti sigud a senador, a saanen a mabaliwan wenno maikkat iti pakasaritaan.
Kinuna ni VP Sara, a mangipak-pakita laeng daytoy nu anya iti kapasidad ti agdama nga administrasyon tapno aramiden dagiti nasao a klase ti banag kabilang kunana iti extraordinary rendition, idi innala da ti ama na nga awan ti warrant ken inturong da idiay The Hague tapno isango iti International Criminal Court (ICC).
Inlawlawag ti bise presidente a saan met a ti ama na ti naggapwan wenno nangibaga nga amangan a maipada ti sitwasyon na iti nagbanagan daydi sigud a senador Ninoy Aquino, nudiket naggapo a mismo kenkuana.
Inlawlawag na a naibaga na dayta gaputi panagamakna para iti biag ti ama na nga iti agdama ket nakaditine iti detention facility ti International Criminal Court idiay The Netherlands.
Innayon pay ti Bise Presidente, nalawag a kayat ti sigud nga opisyal nga agawid ditoy Pilipinas agsipudta daytoy ti kanayunna nga ibaga tunggal bumisita ti bise presidente iti uneg ti pasilidad.
