Pinasingkedan mismo ni Philippine National Police (PNP) Chief Police General Nicolas Torre III a naan-anayen a naikkat ti puesto dagiti chief of police idiay Metro Manila kasaruno a mapaay da a mangtungpal ti direktiba ti hepe a mandatory 5-minute response time kadagiti emergencies ti publiko.
Babaen ti Command Conference para ti review ti panagtungpal dagiti chief of police ti baro a polisiya na 5-minute response time ket natakuatan nga adda dagiti commanders a saan a nangisayangkat ken saan a sinurot ti direktiba. Kinuna ti hepe a saan a makasabay ken saan nga inyadaptar dagiti pulis iti baro a standards.
Kabayatanna, adu latta met dagiti maaw-awat ti hepe a tawag manipud kadagiti Mayors ken dadduma pay nga opisyales kadagiti lokal a gobierno ken nabannog met isunan nga ulit-uliten ti panangialawag ti direktiba na.
Innayon na a saan da a maipadanon a natalgedd ti sapata a lima minutos a panagresponde nu adda latta dagiti pulis a saan a sumursurot ti direktiba a manipud pay mismo iti pammilin ni Presidente Ferdinand Marcos Jr.
Gapo iti dayta ket inkkat na lattan iti puesto dagiti walo nga chief of police a natatangken ti ulo da ken kinuna a tarigagay na nga amin a commanders nga adda iti sidong ti liderato na ket addaan ti kabaelan a mangsurot ken agpasurot.
Nagpakdaar met isuna kadagiti dadduma pay nga opisyales a saan a mangtupal ti direktiba a maipada da kadagiti naikkat ti puesto.
Kabayatanna, impasiguro ni Torre a dagiti walo nga chief of police ket mabalin a maikabil kadagiti sabali a posisyon bayat nga agalin met a silulukat dagiti nabati da a posisyon.
Dagiti opisyales ket manipud sadiay ciudad ti Navotas, Paranaque, Marikina, Mandaluyong, Caloocan, Makati, Valenzuela ken San Juan.
