LA UNION – Pormalen a naidatag iti Prosecutor’s Office ti kaso nga attempted murder kontra ti barangay tanod a nanggandat a mangpaltog iti maysa a baro idiay Barangay Poro, syudad ti San Fernando, La Union.
Kaddua dagiti kameng ti San Fernando City Police ti 30-anyos a biktima a ni Mark Joseph Cariño ken dagiti testigo a nagturong idiay piskalya tapno ipaima dagiti sinapataanda a salaysay ken ti ebidensya kontra ti 42-anyos a suspek a ni Joselito Abuan.
Kinuna ni Cariño, a desidido daytoy nga isagpat ti reklamona iti korte kontra iti barangay tanod a nanggandat a nangpapatay kenkuana ken naka-alarmaan dagiti tattao nga agsusugal iti maysa a natayan.
Kabayatanna, maysa a manhunt operation iti isay-sayangkat dagiti otoridad kontra iti suspek a dagus a naglibas kalpasan ti insidente.
