LA UNION – Kalpasan iti sumagmamano nga tawen a panaglimmeng iti linteg ket natiliw met laeng ti pulisya ti sigud a punong barangay nga akusado iti pammapatay iti mysa nga kasaran idiay Barangay Baracbac Este iti ili ti Balaoan, La Union.
Nabigbig iti akusado a ni sigud a Barangay Chairman Elmer Ordanza, residente ti nasao a lugar.
Naamuan ti Bombo Radyo manipud iti La Union Police Provincial Office, naaresto ti sigud nga opisyal kalpasan nga iruar ni Balaoan, La Union Regional Trial Court (RTC) Branch 34 Judge Manuel Aquino ti alias warrant of arrest gapu iti sangsangwen na a kaso nga murder.
Ni Ordanza ket nakimmeg idiay Barangay Ili Sur iti ili ti San Juan ken kabilang pay daytoy iti listaan dagiti top most wanted person ti Balaoan.
Maipalagip, idi April 2014 ket pinaltogan ken natay ni Ordanza nga agdama a kapitan ti barangay idi iti biktima a ni Arnold Navalta bayat nga adda iti katingngaan ti panagraragsak ti kasaran idiay Barangay Baracbac Este.
Gapu iti nabara a panagdinniskutir iti baetan ti akusado ken ti biktima isu a napasamak ti krimen.
