Nakatuding a mangipaulog ti Bureau of Customs (BOC) ti warrant of seizure ken detention kontra kadagiti walo a luxury cars a konektado kenni sigud nga Ako-Bicol Party-list Rep. Elizaldy “Zaldy” Co.
Segun kenni BOC Commissioner Ariel Nepomuceno, adda ti iregularidad iti dokumento dagiti lugan isu a naisingasing a mangipaulog ti warrant.
Iti kanito a saan a makaipakita ti lehitimo a papeles iti makinkukua ket maipan daytoy iti sanikua ti gobierno.
Idi Enero ket kinumpiskar ti BOC ken PNP dagiti 14 a lugan ni Co a naglabsing ti Customs Modernization and Tariff Act.
Ni Co ket nairaman iti flood control projects scandal gapu iti alegasion a maipagarup a nakaawat isuna ti kickbacks.
Addaan met isuna ti arrest warrant manipud ti Sandiganbaya mainaig ti ₱289.5 million nga anomalia iti proyekto idiay Naujan, Oriental Mindoro.
Ita agdama, dagiti walo a luxury cars ket nakaparada iti ICI compound idiay siudad ti Taguig kalpasan ti panagbirokda iti condominium ni Co.###
