Agtultuloy ti panagpigsa ti Bagyong Nando kabayatan ti panagdupag na ti agpa-Laud Amianan-a-laud a direksyon agturong ti Central Luzon ti kapartak a 15 km/h. Ti sentro ti bagyo ket maudi a nasaripatpatan ti kaadayu 1,075 km Daya ti Central Luzon, kabuyog ti kapigsa ti angin a dumanon ti 75 km/h asideg ti sentro ken kapegges a dumanon ti agingga 90 km/h.
Kabayatanna, iti met Tropical Storm “MITAG,” sigud a Bagyong Mirasol ket adda itan ti kaadayu a 545km Laud Amianan-laud ti Itbayat, Batanes. Agpada ti kapigsa ti angin ken kapegges da ni Bagyong Nando ngem naparpartak laeng ti panaggaraw na iti 20 km/h nga agpa-Amianan a direksyon.
Iti sabali a bangir, mangpalulem, tudo, ken gurruod latta ti Southwest Monsoon wenno Habagat kadagiti probinsya ditoy Ilocos Region, idiay Cordillera Administrative Region, Zambales, ken Bataan bayat a mangpaarbis met daitoy kadagiti lugar ti Metro Manila, Bicol Region, CALABARZON, MIMAROPA, Western Visayas, Negros Island Region, Zamboanga Peninsula, ken ti pakabuklan a Central Luzon. Dagiti metten Localized Thunderstorms ti mangigubuay ti kapada a paniempo para ti nabatbati a paset ti pagilian.
