LA UNION – Kalpasan a narunaw ti low pressure area kagiddan ti inter tropical convergence zone idi kalman, iti laengen Easterlies ken Localized Thunderstorms iti agraraira ditoy pagilian.
Iti weather update ti PAGASA, makapadas iti apagapaman a panaglulem ti panawen, mapatto-pattok a panagtudo wenno panaggurru-od idiay Aurora, Quezon, Bicol Region, Eastern Visayas, Caraga, ken Davao Region gaputi Easterlies
Bayat nga idiay Metro Manila ken nabatbati a paset ti pagilian ket makapadas met laeng ti apagapaman a nalulem a panawen, mapatto-pattok a panagtudtudo, ken panaggarru-od epekto ti Localized Thunderstorms.
Posible iti panaglayos wenno landslides kadagiti nababa a lugar nu agtultuloy iti napigsa a panagtudo.
