Naan-anayen a nakaruar ti Philippine Area of Responsibility ti Severe Tropical Storm Paolo.
Maibasar ti Tropical Cyclone Bulletin #18 ti state weather bureau a PAGASA, maudi a nasariaptpatan ti sentro ti Bagyong Paolo ti kaadayo a 295km Laud ti Sinait, Ilocos Sur.
Dupdupagen na ti agpa-Laud Amianan-a-laud a direksyon ti kapartak a 20 km/h paadayo ditoy Pilipinas, kabuyog ti kapigsa ti angin a 110 km/h asideg ti sentro kasta met ti kapegges a dumanon ti 135 km/h.
Nupay nakaruaren ti PAR ket agtaltalinaed latta a nakaibayog ti Tropical Cyclone Wind Signal 1 dagiti adu a lugar ditoy Luzon.
Dagiti lugar a nakaibayog ti Signal Number 1:
Intero a probinsya ti La Union ken Ilocos Sur
Makinlaud a paset ti Abra
Makinlaud a paset ti Benguet
Makin-Abagatan a paset ti Ilocos Norte
Makin-Laud ken sentro a paset ti Pangasinan
Kabayatanna, agtaltalinaed latta a mangpatudo iti intero a pagilian dagiti Localized Thunderstorms.
