LA UNION – Malamlamayan ita ti maysa a welder apprentice a nakuryente gapu ti maipagarup a gandatna nga i-operate ti welding machine idiay Barangay Amallapay, ili ti Tubao, La Union.
Nabigbig ti biktima a ni Allan Mapalo, 22, residente iti Barangay Halog East ti nasao nga ili.
Base iti report ti Tubao Police, maipagarup a nagbiddut iti panangikabbit ti kable iti welding machine idiay poste ti kuryente ti biktima isu a nakuryente daytoy.
Naiturong idiay La Union Medical Center ti biktima ngem natay met laeng daytoy.
