BR LA UNION – Nangiruar ti maikatlo a global situation report iti World Health Organization (WHO) seknan iti riribok idiay Middle East.
Maibasar iti report, nupay adda iti dua a lawas a ceasefire idiay Iran, agtaltalinaed a kritikal ti sitwasyon idiay Lebanon ken dadduma pay a pagilian iti rehiyon.
Immadu dagiti panagraut kadagiti ospital, ambulansya, ken health workers a nangparnuay ti dakkel a perdisyon ken problema iti health system ken pananglabsing iti international humanitarian law.
Nailista pay ti WHO iti uppat a panag-atake kadagiti pasilidad ti desalination idiay Iran, Bahrain, ken Kuwait.
Agsipudta mangnamnama ti sumagmamano a pagilian idiay Middle East ti 70–100% nga inumen da a danum iti desalination, nanggubway daytoy ti peligro a water shortages, hospital shutdowns, ken outbreak ti waterborne diseases.
Nupay agtaltalinaed a natibker iti global supply iti medical commodities, ngem parigat ti panagitulod ti humanitarian health supplies gaputi airspace restrictions ken ngumatngato a transportation costs.
