Indeklara ti World Health Organization (WHO) kas international health emergency iti outbreak ti Bundibugyo strain ti Ebola nga awan pay ti bakuna-na wenno partikular nga agas.
Nasurok 80 a tattaon iti pimmusay idiay Democratic Republic of the Congo bayat a nasurok 300 dagiti mapapati a kaso.
Segun kadagiti otoridad, mabalin daytoy a maaddaan ti agingga 50 porsyento a fatality rate ken napaspas nga agwaras agingga idiay Uganda.
Karaman iti sintomas ti Ebola iti gurigor, panagbakwar, panagdara, wenno organ failure.
Nagballaag met ti Doctors Without Borders (MSF) a makaalarma iti sitwasion gapu ta kurang iti pasilidad ken marigatan iti Congo iti panangitulod ti medical equipment kadagiti apektado a lugar.
Kabayatanna, kenuna ti Department of Health (DOH) nga aktiboda a makikoordinar iti WHO mainaig ti outbreak.
Inlawlawag ti DOH a nupay naideklara daytoy a Public Health Emergency of International Concern (PHEIC), saan pay daytoy a maibilang a pandemic emergency.
Agtultuloy-da met a mangipapaay ti umno nga impormasion iti publiko tapno maliklikan iti panagwaras ti sakit.###
