Nangiruar ti maikatlo a global situation report iti World Health Organization (WHO) mainaig ti kumarkaro nga health status idiay Middle East.
Segun ti report, umad-adu iti panagraut kadagiti ospital, ambulansya, ken health workers a nangigubuay ti dakkel a pannakadadael iti health system ken panaglabsing iti international humanitarian law.
Nailista met ti uppat a panagraut iti desalination facilities idiay Iran, Bahrain, ken Kuwait a nagresulta iti peggad ti water shortages ken outbreak ti waterborne diseases.
Nupay agtaltalinaed a natibker iti global supply ti medical commodities, narigat iti panangitulod ti humanitarian health supplies gapu iti airspace restrictions ken ngumatngato a transportation costs.
Karaman iti kangrunaan a pangta iti trauma, injuries, limitado nga access iti health services para iti displaced persons, ken pagkasapulan iti mental health support.
Kas sungbat, aktibo a suksukimaten ti WHO iti health risks ken mangipapaay ti teknikal a suporta iti panangmanehar ti danom, sanitation, immunization, ken disease outbreak readiness.###
