Itantandudo itan ti Women’s Rights Advocates group iti disbarment case kontra ti abogado a nanagbastos kadagiti babbai kasaruno ti angaw na ti maysa a campaign sortie.
Tarigagay ti grupo a ma-disbar ni Atty. Christian Ian Sia manipud iti kinaabogado apaman madakamat ti Korte Suprema nga addaan ti grounds para kadaitoy.
Iti naisubmitir da a pormal nga surat idiay Korte Suprema, nakalanad iti panangallukoy a paulogan ti maiyannatop a dusa ti nasao nga abogado.
Segun kenni Clarise Palce, Secretary-General ng National Alliance of Women’s Organizations group, nasken a kitaen ti Supreme Court dagiti panaglabsing ni Atty. Sia partikular kadagiti misogynist ken sexist remarks na iti kampanya.
Gapo iti daitoy ket nangipadanonen ti maysa a mensahe ti lider ti nasao a grupo kadagiti babbai a ni Clarise Palce kenni Atty. Christian Sia.
Kunana a dapat ket saan a kasjay ti nagbalin a waragawag wenno angaw na agsipud ta mamati da nga adda ti sursuroten a guidelines ti panagbalin nga abogado.
Innayon na pay a rumbeng nga awan ti waragawag a kumontra kadagiti babbai aglalo ta kandidato pay isuna ken mangibagi iti masakopan na.
