LA UNION – Agsag-sagana ita iti gobyerno syudad ti San Fernando tapno maaramid a regular iti WORLD CAR-FREE DAY wenno saan a panaglugan ti behikulo dagiti empleyado a sumrek iti trabaho.
Idi kalman ket inobserbaran dagiti empleyado ti gobyerno syudad iti world car-free day.
Inlawlawag ni Rose Ann Valdez ti city environment and natural resources office a ranta ti nasao a programa a maallokoy dagiti umili nga imbes nga aglugan ti behikulo ket nasay-sayaat nu magna wenno agbisikleta laengen nga agturong wenno sumrek iti trabaho ken iti pagadalan.
Kinuna ni Valdez, a makatulong daytoy tapno makissayan iti carbon emission ken makatulong pay a mamantinir ti nasalun-at a pammagi.
Iti nasao nga event ket tinawen a maar-aramid ngem ita laeng a tawen nga ipatungpal ti city government ket plano da nga adaptaren daytoy tunggal maikapat a biyernes kada bulan.
