Inpakaamo ti World Health Organization (WHO) ti historiko nga addang kontra iti sakit a malaria kalpasan a maaprubaran iti umuna nga agas para kadagiti maladaga nga agdagsen ti dua agingga lima a kilo.
Nakapasa ti baro a formulation nga artemether-lumefantrine iti International Quality Standard, kinatalged, ken bisa, ken manamnama a mangpalawa iti access ti natalged a panagagas kadagiti kapaspasngay a maladaga.
Sakbayna, immunan a maaus-usar dagiti agas para kadagiti nataengan nga ubbing iti panangagas kadagiti maladaga, a mangparnuay ti penggad gapu ti di umiso a dosage ken toxicity.
Kagiddan iti daytoy, nag-prequalify iti WHO ti tallo a rapid diagnostic test nga addaan kabaelan a mangtakuat iti malaria parasite uray no mapukpukaw ti HRP2 gene, a sigud a rason ti biddut a negative result.
Segun ti WHO, dagiti baro a panagadal ket makatulong tapnu maliklikan iti pannakaitantan ti panagagas, ken pannakatay kadagiti pagilian nga addaan ti nangato a kaso ti malaria.
Maibasar ti World Malaria Report 2025, mapatta-patta a 282 million dagiti kaso ken 610,000 dagiti natay idi 2024, nangatngato ngem idi napalabas a tawen.
Laksid iti karit ti resistance ken kinakurang iti pondo, agarup 2.3 billion nga impeksiyon ti nalikliklan ken 14 million a biag iti naisalakan idi 2000.
Impaganetget ti WHO, dagiti baro nga agas, bakuna ken diagnostic test ket pammaneknek a posible a mapaksiyat iti malaria nu agtultuloy ti supporta ken pondo.###
