LA UNION – Pimmalpak iti baro a pananggandat ti North Korea a mangikabil ti spy satellite iti orbit.
Daytoy ket kalpasan a bimtak iti tangatang iti Malligyong-1-1 reconnaissance satellite, sumagmamano nga oras kalpasan nga inyanunsiyo na iti plano a satellite launch, banag a binabalaw ti SoKor ken Japan.
Iti panangimuntar ti spy satellite iti orbit ket nabayagen a prayoridad ni North Korean leader Kim Jong Un, nga idi Nobiyembre ket nagballaygi kalpasan ti namindua-a-daras a panag-palpak da idi napan a tawen.
Segun iti SoKor, maipagarop a nakaawat iti North Korean leader ti technical assistance manipud Russia para iti panangiyuswat ti spy satellite kasukat ti impatulod na a containers a naglaun ti armas para iti laban ti Moscow kontra Ukraine.
